𝗦𝗜𝗘𝗧𝗘 𝗣𝗔𝗟𝗔𝗕𝗥𝗔𝗦 𝗢 𝗣𝗜𝗧𝗢𝗡𝗚 𝗪𝗜𝗞𝗔 𝗡𝗜 𝗝𝗘𝗦𝗨𝗦

Ang “𝗣𝗶𝘁𝗼𝗻𝗴 𝗛𝘂𝗹𝗶𝗻𝗴 𝗪𝗶𝗸𝗮” ng ating mahal na Panginoon ay ang mga huling pitong pahayag ni Hesus habang Siya ay nakapako sa krus. Ito ay mahalagang bahagi ng pagninilay sa Mahal na Araw, lalo na tuwing 𝘽𝙞𝙮𝙚𝙧𝙣𝙚𝙨 𝙎𝙖𝙣𝙩𝙤. Narito ang mga pahayag:

“Ama, patawarin Mo po sila, sapagkat hindi nila nalalaman ang kanilang ginagawa.” (Lucas 23:34)

Isang panalangin ng kapatawaran para sa mga umusig sa Kaniya.

“Katotohanang sinasabi ko sa iyo, ngayon din ay makakasama kita sa Paraiso.”

(Lucas 23:43)

Tugon ni Hesus sa magnanakaw na nagsisi sa kaniyang mga kasalanan.

“Babae, narito ang iyong anak.” “Narito ang iyong ina.” (Juan 19:26–27)

Isinasaayos ni Hesus ang bagong ugnayan sa pagitan ni Maria at ng alagad na si Juan.

“Diyos ko, Diyos ko, bakit mo ako pinabayaan?” (Mateo 27:46 at Marcos 15:34)

Isang masidhing sigaw ng pagdurusa, hango sa Awit 22, na nagpapakita ng Kaniyang lubos na pagiging-tao.

“Nauuhaw ako.” (Juan 19:28)

Pagpapahayag ng pisikal na pagdurusa, ngunit maaaring ding tanda ng Kaniyang uhaw sa katuparan ng kalooban ng Ama.

“Naganap na.” (Juan 19:30)

Tanda ng pagtatapos ng Kaniyang misyon ng kaligtasan para sa sangkatauhan.

“Ama, sa iyong mga kamay ay inihahabilin ko ang aking espiritu.” (Lucas 23:46)

Isang ganap na pagtitiwala sa Diyos Ama sa huling sandali ng Kanyang buhay.

Bawat wika ay puno ng kahulugan—pag-ibig, kapatawaran, pag-asa, pagtitiis, at ganap na pagtitiwala sa Diyos Ama.

Kaya narito ang isa sa koleksyon ng #NationalLibraryPH tungkol sa pitong huling wika ng ating Panginoon, halina’t magnilay at pag-isipan ang lalim ng Kaniyang sakripisyo para sa ating kaligtasan.