Sino si Julian Felipe?

Kahapon, ika-28 ng Enero, ipinagdiwang ang ika-163 taong anibersaryo ng kapanganakan ni Julian Felipe. Ang Pambansang Aklatan ng Pilipinas ay nakikiisa sa pagdiriwang na ito.🎂🇵🇭

🎼 𝗡𝗚𝗨𝗡𝗜𝗧 𝗦𝗜𝗡𝗢 𝗡𝗚𝗔 𝗕𝗔 𝗦𝗜 𝗝𝗨𝗟𝗜𝗔𝗡 𝗙𝗘𝗟𝗜𝗣𝗘?
Ipinanganak noong Enero 28, 1861 sa Cavite (ngayon ay Cavite City), si Julian Felipe ay nagsimulang mag-aral ng musika sa edad na 10. Napansin ang kanyang husay sa kanyang mga naunang komposisyon, na nagdala sa kanya sa prestihiyosong Santa Cecilia Musical Society. Sa pag-usbong ng Rebolusyong 1896, si Julian Felipe ay naipit sa pangyayari at napabilanggo sa Fort San Felipe at Fort Santiago kasama ang 13 martir ng Cavite. Sa kanyang paglaya, naging kasapi siya ng tropa ni Emilio Aguinaldo. Ipinag-utos sa kanya ni Aguinaldo ang pagbuo ng pambansang awit na “Himno Nacional Filipino,” na kilala ngayon bilang “Lupang Hinirang.” Ito ay tinugtog para sa deklarasyon ng Kalayaan ng Pilipinas noong Hunyo 12, 1898.

[Sanggunian: Tiongson, N. (Ed). (1994). CCP encyclopedia of Philippine art (Vol. 6: Philippine music). Manila: Cultural Center of the Philippines.]

📘 𝗔𝗟𝗔𝗠𝗜𝗡 𝗔𝗡𝗚 𝗔𝗧𝗜𝗡𝗚 𝗞𝗔𝗦𝗔𝗬𝗦𝗔𝗬𝗔𝗡
Kung nais mong malaman pa ang mas marami tungkol kay Julian Felipe at ang kanyang mga ambag sa musika ng bansa, bisitahin ang Julian Felipe Collection sa Pambansang Aklatan.Bisitahin ang link na ito: https://nlpdl.nlp.gov.ph/JF01/home.htm 📚

📅 𝗔𝗥𝗔𝗪 𝗡𝗜 𝗝𝗨𝗟𝗜𝗔𝗡 𝗙𝗘𝗟𝗜𝗣𝗘 𝗦𝗔 𝗖𝗔𝗩𝗜𝗧𝗘
Sa pagkilala sa kanyang husay, idineklara ang Enero 28 ng bawat taon bilang Araw ni Julian Felipe sa Lungsod ng Cavite ayon sa Republic Act No. 7805. 📜🌟 https://www.officialgazette.gov.ph/1994/09/01/republic-act-no-7805/