“Bayani Ka: Bayani ng Kalsada” Book Launching

𝗕𝗔𝗦𝗔𝗛𝗜𝗡 | Inilunsad kahapon, ika-19 ng Agosto 2024, ng Metropolitan Pacific Tollways South Management Corporation, sa pakikipagtulungan ng Pambansang Aklatan ng Pilipinas, ang ikalawang edisyon ng “Bayani Ka” na likha mula sa Bayani ng Kalsada, isang programang naglalayong lumikha ng kamalayan sa mga bata patungkol sa kaligtasan sa mga kalsada sa isang masaya at interaktibong paraan. Sa ilalim ng inisyatiba na ito ay ang paglalathala ng activity book na nagpapakita ng mga pangunahing kaalaman sa mga palatandaan sa kalsada at iba’t ibang pag-uugali sa kaligtasan gamit ang mga laro at aktibidad. Ipapamahagi ang mga aklat na ito sa mga paaralang elementarya, pampublikong aklatan, sentrong pangkabataan, at pamayanan, partikular para sa mga batang may edad na 6-12 taong gulang.