Maligayang Buwan ng mga Katutubong Pamayanan!

Ang Pambansang Aklatan ng Pilipinas ay nakikiisa sa Pambansang Komisyon sa Katutubong Pamayanan at sa buong bansa sa pagdiriwang ng Buwan ng mga Katutubong Pamayanan ngayong Oktubre, at ng ika-27 anibersaryo ng pagpapatibay ng Indigenous Peoples Rights Act (IPRA) o Batas ukol sa Karapatan ng mga Katutubo.

Sa temang “Mga Katutubo at Katutubong Dunong: Pahalagahan, Pangalagaan, at Parangalan,” kasama ang inyong Pambansang Aklatan sa pagbibigay-pugay at pagpapalakas sa ating mga Katutubong Pamayanang Kultural, at sa paggunita ng mahalagang batas sa kanilang mga karapatan.